अनटोल्ड स्टोरी.......
टीव्ही वाहिन्यांवरुन सुशांतसिंग राजपूतने आत्महत्या केल्याचे वृत्त प्रसारित झाले. या घटनेने सुशांतसिंग राजपूतच्या अनेक फँनला धक्का बसला. पवित्र रिश्ता या सिरीअलमधील मानव या व्यक्तीरेखेमुळे सुशांत अनेकांच्या मनात घर केले होते. त्यानंतर त्याने हिंदी चित्रपटसृष्टीत पदार्पण केले. काय पो चे पासून त्याचा हिंदी चित्रपटसुष्टीचा अभिनय प्रवास सुरु झाला. प्रत्येक चित्रपटात सुशांतने अभिनयाचे वेगळेपण जपले होते. त्याचा प्रत्येक चित्रपटातील अमिनय नाविन्यपूर्ण असायचा. शुद्ध देसी रोमान्स, केदारनाथ, छिछोरे या चित्रपटाने सुशांत तरुणाईच्या गळ्यातील बनला होता. त्याचे सर्व चित्रपट अप्रतिम होते. परंतु मला त्याचा एम.एस.धोनी अनटोल्ड हा चित्रपट खूप आवडतो. हा चित्रपट किती वेळा पाहिला तरी कंटाळा येत नाही. एम. एस. धोनी या चित्रपटात सुशांतसिंगने धोनीची भूमिका अप्रतिम साकारली. या चित्रपटासाठी सुशांतसिंगने भरपूर मेहनत घेतली होती. चित्रपटात सुशांतसिंग जणू महेंद्रसिंग धोनीच भासत होता. चित्रपटात सुशांतसिंगने साकारलेले प्रत्येक प्रसंग स्ट्रगल करणाऱ्या तरुणाईसाठी प्रेरणादायक वाटतात. चित्रपटात एके ठिकाणी आपल्या आयुष्यात काहीच होणार नाही असे धोनीला वाटते परंतु अशाचवेळी संधीचे दार ठोठावते अन् धोनीला आंतरराष्ट्रीय क्रिकेटमध्ये संधी मिळते. हा प्रसंग सुशांतने अभिनय कौशल्याने सादर केला आहे. सुशांतने आपल्या अभिनयाने चित्रपटसृष्टीत स्वतः चे वेगळे स्थान निर्माण केले होते. परंतु अचानक सुशांतने आत्महत्या का केली असावी? असा प्रश्न अनेकांना पडलाय.एम.एस. धोनी चित्रपटाद्वारे अनेकांना प्रेरणा देणाऱ्या सुशांतसिंग राजपूत याला भावपुर्ण श्रध्दांजली!
संग्राम कासले, मालवण
सुशांतसिंग राजपुत हे उत्तम अभिनेते होते. त्यांचा एम एस धोनी या बायोपिक मधील अभिनय वाखाण्याजोगा होता.. प्रत्यक्ष महेंद्रसिंग धोनीच त्यामध्ये अवतरल्याचा भास आपल्या मोहक अभिनयाद्वारे त्याने सिध्द केला. अशा हरहुन्नरी कलाकारास आमचा सलाम.व भावपूर्ण श्रध्दांजली.
उत्तर द्याहटवा