मालवण वार्ताहर - प्राथमिक कन्या शाळा मालवण येथे रानभाज्यांची ओळख व्हावी यासाठी रानभाजी ओळख व प्रदर्शनाचे आयोजन करण्यात आले होते. या प्रदर्शनात विद्यार्थ्यांनी विविध रानभाज्यांचे प्रदर्शन मांडले होते. जिल्ह्यामध्ये आढळणाऱ्या रानभाज्यांचा या प्रदर्शनात समावेश करण्यात आला होता. याप्रसंगी प्राथमिक कन्या शाळेच्या मुख्याध्यापिका सौ.श्रद्धा गोसावी, सौ. शिवानी पाटकर, सौ. शुभ्रा कांदळगावकर, श्रीम.आकांक्षा कासले, श्रीम. नेत्रा टिळवे आदी उपस्थित होत्या. सुनितादेवी टोपीवाला अध्यापिका विद्यामंदिर मालवणच्या शिक्षक तसेच छात्राध्यापकांनी रानभाज्या प्रदर्शनास भेट देऊन विद्यार्थ्यांनी राबवलेल्या उपक्रमाचे कौतुक केले.