*स्पर्धा परीक्षा मार्गदर्शन वर्गास उत्स्फूर्त प्रतिसाद; श्री. सत्यवान रेडकर यांचे प्रेरणादायी मार्गदर्शन*

श्री सद्गुरू सदानंद माऊली एज्युकेशनल फाउंडेशन आणि नंबर वन निर्धार न्यूज यांच्या संयुक्त विद्यमाने मालवण येथील डॉ. एस. एस. कुडाळकर हायस्कूल येथे स्पर्धा परीक्षा मार्गदर्शन वर्गाचे आयोजन करण्यात आले. या कार्यक्रमात "तिमिरातून तेजाकडे" संस्थेचे संस्थापक व कस्टम अधिकारी श्री. सत्यवान यशवंत रेडकर यांनी विद्यार्थ्यांना स्पर्धा परीक्षांच्या संधी, तयारीचे तंत्र आणि आत्मविश्वास वाढवण्याबाबत अत्यंत प्रभावी मार्गदर्शन केले.

कार्यक्रमाच्या प्रारंभी श्री. रेडकर यांचा संस्थेचे उपाध्यक्ष श्री. भालचंद्र राऊत यांनी शाल व पुष्पगुच्छ देऊन सत्कार केला, तर हायस्कूलच्यावतीने श्री. नाईक सर यांनी पुष्पगुच्छ अर्पण करून त्यांचे स्वागत केले. यावेळी संस्थेचे सचिव श्री. महेश मांजरेकर, खजिनदार श्री. विनायक निवेकर, सदस्या सौ. अमिता निवेकर, निवृत्त पोलीस उपनिरीक्षक श्री. सुधीर कदम, प्राथमिक विभागाच्या मुख्याध्यापिका सौ. प्राची परब, सौ. गुळवे मॅडम, सौ. गावकर मॅडम यांची प्रमुख उपस्थिती होती.

कार्यक्रमाचे सुत्रसंचालन श्री. आठलेकर सर यांनी अत्यंत नेटकेपणाने पार पाडले.

विद्यार्थ्यांनी या मार्गदर्शन सत्राचा भरभरून लाभ घेतला. "कोकणातील अधिकाधिक विद्यार्थी स्पर्धा परीक्षा उत्तीर्ण होऊन अधिकारी बनावेत" हा श्री. रेडकर सरांचा ध्यास विद्यार्थ्यांच्या मनात प्रेरणेचा नवा झरा निर्माण करून गेला. त्यांच्या कार्याची उपस्थित मान्यवरांनी स्तुती केली व पुढील कार्यासाठी शुभेच्छा दिल्या.

या उपक्रमामुळे विद्यार्थ्यांमध्ये नवी उमेद निर्माण झाली असून, भविष्यात अशा उपक्रमांची अधिक गरज असल्याचे पालक व शिक्षकांकडूनही सांगण्यात आले.