Sangram kasale

काल रात्री घरी येताना मोहसीन भेटला. त्याने मला थांबवून बातमी दिली, आपले बी.डी. बनसोडे सर गेले. मी क्षणभर स्तब्ध झालो. पी. के.चौकेकर, सिद्धार्थ जाधव यांच्याशी संपर्क साधून सरांच्या निधनाबद्दल विचारले. दुर्दैवाने सरांच्या निधनाची बातमी खरी होती. लहानपणापासून ज्या सरांच्या सानिध्यात वाढलो, मोठे झालो त्या बनसोडे सरांच्या अचानक जाण्याने धक्का बसला. आम्ही चाचींकडे भाड्याने राहत असताना सरही तेथेचे भाड्याने रहायचे. त्यामुळे लहानपणापासून सरांविषयी मनामध्ये भिती होती. परंतु जसजस सरांबद्दल जाणून घेत गेलो तसतशी सरांबद्दलची भिती कमी होत गेली. मी पहिलीत असल्यापासून सरांना नेहमी सामाजिक कार्यक्रमात पहायचो. जिल्ह्यातील विविध गावांमध्ये तथागत बुद्ध, म. फुले, राजर्षी शाहू महाराज, डाँ. आंबेडकर जयंतीनिमित्त सरांच्या प्रबोधनात्मक कार्यक्रमाचे आयोजन व्हायचे. सर तथागत बुद्ध, म. फुले, रा. शाहू, डाँ. आंबेडकर यांच्या साहित्याचे अभ्यासक होते. प्रबोधनाच्या कार्यक्रमात सरांचे भाषण नेहमीच अभ्यासपूर्ण असायचे. हतिहासाच्या सनावळ्या, हतिहासाचे संदर्भ, घटनाक्रम याची इत्यंभूत माहिती सरांच्या वक्तूत्वातून मिळायची. सामाजिक...

गेल्या महिन्यात आम्ही नवीन सायकल विकत घेतली. या नवीन सायकल खरेदीमुळे जुन्या सायकलींच्या आठवणींना उजाळा मिळाला. मी आणि माझी बहिण लहान असताना आमच्याकडे मोठी जेन्टस सायकल होती. पप्पांनी नांगरभाट येथून ती सायकल आणली होती. सायकलच्या पुढे एक छोटी सीट बसवली होती. सुरुवातीला मी लहान असताना त्या सीटवर बसायचो व पप्पा मला फिरायला घेऊन जायचे. त्यानंतर मी मोठा झाल्यावर सुविधा पुढे आणि मी मागच्या सीटवर असे आम्ही तिघे फिरायला जात असू. मी सहावीत गेल्यावर मला गावकर बाईंनी (भूविकास बँकेतील कर्मचारी) यांनी मला जुनी सायकल दिली होती. मी ती सायकल आँईलिंग व रंग काढण्यासाठी दिली होती. त्यावेळी सायकलला आँईलिंग करायला बराच खर्च यायचा. पण पप्पांनी सायकलला आँयलिंग करुन घेतली. सहावी ते अकरावी ती सायकल मी वापरली. त्यानंतर आम्ही रेवतळे येथे भाड्याने राहयला गेलो. त्यावेळी सौ. अनिता यांनी मला त्यांची जुनी सायकल दिली होती. मी ती सायकल आँयलिंग करुन काँलेज व बीएड पर्यंत वापरली. याच कालावधीत पप्पांची सायकल खराब झाली होती. पप्पांचे बँकेतील अधिकारी आर.जी. राणे यांनी पप्पांना सायकल दिली होती. पप्पांनी ती सायकल आँयलिंग करुन व...

 मालवणचे पोलीस निरीक्षक विनीत चौधरी यांची रत्नागिरी जिल्ह्यात बदली झाली. गेले सव्वा दोन वर्षे मालवण पोलीस निरीक्षक म्हणून कार्यरत होते. सव्वा दोन वर्षात पोलीस निरीक्षक विनीत चौधरी यांच्याकडून अनेक नवनवीन गोष्टी शिकता आल्या. क्राईमच्या बातम्यांसाठी आम्ही पत्रकार दररोज सायंकाळी 5.30 ते 6.30 या वेळेत मालवण पोलीस स्टेशन येथे असतो. त्यामुळे या कालावधीत आम्हाला चौधरी सरांकडून सातत्याने काहीतरी वेगळे शिकायला मिळायचे. सर मालवणात नव्याने रुजू झाले होते तेव्हा ते म्हणाले होते कि मला पोलीस स्टेशनचा चेहरा मोहरा बदलायचा आहे. सरांचे ते विधान सव्वा दोन वर्षांनी खरे झाले आहे. सरांनी पोलीस स्टेशनमध्ये अनेक सकारात्मक बदल केले. त्यामुळे पोलीस स्टेशनमध्ये येणाऱ्या प्रत्येकाला समाधान मिळत असे. पोलीस स्टेशनमध्ये येणाऱ्या नागरिकाचे काम लवकर झाले पाहिजे, त्याला पोलीस स्टेशनमध्ये ताटकळत रहावे लागता नये ही सरांची भूमिका होती. त्यामुळे सरांच्या या भूमिकेला अनुसरून मालवण पोलीस स्टेशनचे कामकाज व्हायचे. कोणताही नागरिक, ग्रामस्थ, तक्रारदार चौधरी सरांना भेटून आपल्या समस्या मांडायचा व सर त्या समस्यांचे निराकरण करा...