दत्ता.....

दत्ता.....

पुणे येथील समतादूत प्रकल्पाच्या ट्रेनिंगमध्ये माझी दत्ता गायकवाड या पुणे येथील मित्राशी ओळख झाली होती. मला वाटले होते ही ओळख ट्रेनिंग पुरतीच मर्यादित राहिल पण तसे घडले नाही समतादूत प्रकल्पाच्या निवडीत मला रायगड जिल्ह्यातील माणगाव तालुका मिळाला होता. माझा ग्रामसेवक मित्र नितेश तांबे याने मला तळा येथील त्याचा मित्र ग्रामसेवक अतुल इंगळे याचा संपर्क नंबर दिला होता. त्यानुसार मी तळा येथे गेलो. एक रात्र अतुलकडे राहिलो. पण त्यानंतर दुसऱ्या दिवशी पासून खोली शोधण्याची मोहिम हाती घेतली. खोलीसाठी शोधमोहीम राबवताना लक्षात आले की दत्ता तळा तालुक्यात राहतो. मी दत्ताची भेट घेतली आणि खोली शेअर करण्याविषयी विचारले. दत्ताने लागलीच होकार दिला आणि आम्ही तळा येथे एकत्र राहू लागलो. अकरा महिने मी आणि दत्ता तळा येथे राहिलो. या कालावधीत दत्ताकडून बऱ्याच गोष्टी शिकता आल्या. दत्ता हा उत्तम फोटोग्राफर आहे. पुणे जुन्नर येथे त्याने काही काळ फोटोग्राफी केली. याच दरम्यान तो स्पर्धा परिक्षेचाही अभ्यास करायचा. तळा येथेही दत्ताने स्पर्धा परीक्षेची भरपूर पुस्तके आणली होती. दत्तामुळे मला देखील स्पर्धा परीक्षेची आवड निर्माण झाली आणि मी स्पर्धा परीक्षांचे फाँर्म भरु लागलो. समतादूत प्रकल्पाच्या निमित्ताने आम्ही रायगड जिल्ह्यातील बहुतांश शाळा, मागासवर्गीय वस्ती, आदिवासी पाडे यांना भेटी दिल्या. आदिवासी पाड्यांवर आम्हाला चालत जावे लागे. खोलीवर येईपर्यंत भरपूर उशिर होत असे. दत्ता सकाळी निघतानाच एक प्लँन बनवायचा. सकाळी उठल्यावर दत्ता भरपूर पोहे बनवायचा. पोहे खाऊन आम्ही बाहेर पडू त्यानंतर नाष्टा नाही मग दुपारी ऊसाचा रस, कुठेतरी नाष्टा असे करत समताप्रबोधन करीत आम्ही खोलीवर परतत असू. रात्रीच्या जेवणासाठी अंडी, बटाटी हा मेनू असायचा. आमचे मित्र अँड. डुबे आले की चिकनचा बेत व्हायचा. द्ताने या अगोदर जेवण बनवले नव्हते पण परिस्थितीने तो शिकला होता. दत्ता इतरांना मदत करायला नेहमी तत्पर असतो. कुणाला रात्री अपरात्री घरी सोडणे, दवाखान्यात घेऊन जाणे, मित्रासाठी झेराँक्स खरेदी करणे, मित्रांची परीक्षा फी भरणे, मित्रांना आर्थिक मदत करणे ही कामे तो मनापासून करायचा. समतादूत प्रकल्पाचा करार संपल्यावर दत्ता पुणे येथे स्पर्धा परीक्षेच्या तयारीसाठी गेला होता. वर्षभर अँकडमीत त्याने अभ्यास केला. परंतु स्पर्धा परीक्षेत त्याला यश मिळाले नाही. अजूनही दत्ता स्पर्धा परीक्षेचा अभ्यास करत आहे. दत्ता सध्या पोलादपूर तालुक्यात सीएम फँलोशिप या प्रोजेक्टवर काय करतोय. मित्रांना मदत करण्याची त्याची वृत्ती आजही कायम आहे. स्पर्धा परीक्षेसाठी तो अनेकांना प्रेरणा देतो. स्पर्धा परीक्षा देत रहायच्या कधीतरी नक्कीच यश मिळेल असे तो मित्रांना नेहमी सांगतो. दत्ता एकट राहणे जास्त पसंत करतो. तो फारसा आपल्या घरी जात नाही. मित्रांमध्येच तो रमतो. घरी आई वडीलांची फोनवरून खुशाली घेतो. मला त्याची ही गोष्ट खटकते. मित्राप्रमाणेच त्याने घरच्यांनी वेळ द्यायला हवा असे मला मनापासून वाटते. आज दत्ताचा वाढदिवस आहे. वाढदिवसाच्या लाख लाख शुभेच्छा!   

संग्राम कासले, मालवण