प्रयोगशील उमेश.......

प्रयोगशील उमेश.......

कोरोनाच्या साथीमुळे देशभरात आर्थिक समस्या निर्माण झाल्या आहेत. अनेक क्षेत्रे बंद अवस्थेत असल्याने अनेकांना आर्थिक चणचण जाणवत आहे. या कालावधीत प्रत्येकाने प्रयोगशील बनणे आवश्यक आहे. म्हणजेच छोटासा का होईल पण उद्योग, व्यवसाय सुरु करणे आवश्यक आहे. अन्यथा भविष्यात आपल्याला भीषण आर्थिक समस्यांना सामोरे जावे लागणार आहे. माझा कणकवली येथील मित्र आणि माजी समतादूत उमेश बुचडे याने कणकवली रेल्वे स्टेशन शेजारी प्रतिकुल परिस्थितीत वडापावचा व्यवसाय सुरु केला आहे. उमेशचा कणकवली व वैभववाडी येथे आँनलाईन रेल्वे तिकिट बुकिंगचा व्यवसाय आहे.परंतु मार्च महिन्यापासून लाँकडाऊनमुळे त्याचा पुर्ण व्यवसाय ठप्प झाला आहे. उमेशने या कठीण परिस्थितीवर मात करण्यासाठी स्वतः च उपाय शोधून काढला. त्याने रेल्वेस्टेशन शेजारी वडापावचा व्यवसाय सुरु केला. सुरुवातीच्या दिवसात त्याला अडचणी आल्या, पण सर्व अडचणींवर मात करत त्याने वडापावचा व्यवसाय सुरु ठेवला आहे. हाँटेल उमेश या नावाने उभारलेल्या हाँटेलमध्ये वडापाव, समोसा, पँटीस, भजी असे पदार्थ नागरिकांना उपलब्ध करुन देत आहे. उमेशने या पदार्थांची किंमतही माफक म्हणजे दहा रुपये एवढी ठेवली आहे. त्यामुळे त्याने बनवलेल्या पदार्थांना नागरिकांकडून प्रतिसाद मिळत आहे. हे करत असताना उमेशने सोशल डिस्टसिंगचे भान ठेवले आहे. मास्क परिधान करुन तो हा व्यवसाय करतो. त्याच्या या व्यवसायात त्याला कुटुंबातील सदस्यांची साथ आहे. उमेश कोणतीही गोष्ट आपल्या पुरती मर्यादित ठेवत नाही. जी गोष्ट आपल्याला येत आहे, त्याबाबत तो इतरांनी माहिती देतो. त्याच्या डोक्यात सातत्याने आयडियाची कल्पना फिरत असते. लाँकडाऊनच्या काहि महिन्यांपूर्वी उमेशने आपल्या मामे भावाला चिकन 65 ची गाडी उभारुन दिली होती. आज त्याचा मामेभाऊ स्वतः हा व्यवसाय सांभाळत आहे. उमेशच्या सर्वच आयडिया यशस्वी होतात असे नाही. परंतु उमेश थांबत नाही तो सातत्याने नवीन कल्पना राबवून प्रत्यक्षात आणतो व अनेकांना प्रेरणा देतो. तुम्हालाही उमेशकडून एखादी आयडीया हवी असल्यास कणकवली रेल्वे स्टेशन शेजारी असलेल्या हाँटेल उमेशला अवश्य भेट द्या आणि उमेशने बनवलेल्या वडापावचाही आस्वाद घ्या! 

संग्राम कासले, मालवण