पप्पू.....

पप्पू..... 

पप्पू माझा बीएडचा सहकारी. पप्पूचे मुळ नाव राजाराम पण तो सर्वत्र पप्पू याच नावाने प्रसिद्ध आहे. बीएडच्या पूर्ण वर्षात कोणताही तणाव न घेता बीएड योग्य पद्धतीने पूर्ण करणारा अवलिया कलाकार म्हणजे पप्पू. पप्पू कुडाळ हायस्कूलला शिक्षक म्हणून अध्यापनाचे कार्य करतो. पप्पू हा मित्रांमध्येच जास्त रमतो. किंबहुना त्याचा मित्रसाठा भरपूर आहे. अभ्यासाबरोबरच क्रिकेट हे पप्पूचे वेड. जिल्ह्यातील अनेक क्रिकेट सामने पाहण्यासाठी तो आवर्जुन उपस्थित असतो. बीएडला असताना सायंकाळी क्रिकेट खेळण्यासाठी तो मैदानावर आवर्जून उपस्थित असायचा. बीएडला असताना अनेक वेळा मैदानावर त्याने जिल्हास्तरीय क्रिकेट स्पर्धा आयोजन करण्याचा संकल्प केला होता. पप्पू हा जसा क्रिकेटवेडा आहे तसाच त्याला भटकंती करण्याचा छंद आहे. टु व्हिलर, फोर व्हीलरने तो जिल्ह्यात व जिल्ह्याच्या बाहेर भटकंती करत असतो. इतरांना मदत करणे हा पप्पूचा स्वभाव आहे. बीएडचा आमचा सहकारी रमेश भोये हा अपंग असल्याने त्याला पाठाला जाताना अडचणी येत होत्या. ही बाब पप्पूच्या लक्षात येताच पप्पू आपल्या दुचाकीने त्याला पाठ असलेल्या शाळेत पोहचवायचा. पप्पूचे कुटुंब मोठे आहे. कुटुंबात कोणतीही समस्या निर्माण झाली तर ती सोडवण्यासाठी पप्पू नेहमी पुढाकार घेतो. पप्पूचे आई, वडील, पत्नी किंबहुना सर्वच कुटुंबाकडे आपलेपणा आहे. या कुटुंबातील सदस्यांशी जे जोडले गेलेले आहेत त्यांना कधीच परकेपणा जाणवत नाही. आज पप्पूचा वाढदिवस आहे. नेहमीप्रमाणे मित्रपरिवारांच्या सानिध्यात पप्पूचा वाढदिवस दणक्यात साजरा होणार आहे. पप्पूला वाढदिवसाच्या लाख लाख शुभेच्छा! ( पप्पू बीएडचे दिवस खूप मिस करतोय यार पुन्हा एकदा तु, मी, भाल्या, सारे मित्र सायंकाळी देवगड येथील हाँटेल प्रपंचमध्ये जाऊन पँटीसचा आस्वाद घेऊया...भाल्याकडे आता फोर व्हिलर आहे त्यामुळे तुला पेट्रोल खर्चाची चिंता नसावी) - संग्राम कासले, मालवण