अर्थशास्त्राची आवड निर्माण करणारे बांदेकर सर!

अकरावी बारावी ही दोन वर्षे माझ्यासाठी अत्यंत महत्त्वाची मानतो. कारण अकरावीत माल अनेकांनी सायन्स घे असे सांगूनही मी स्वत:च्या निर्णयावर ठाम राहून आर्टस निवडले होते. दोन वर्षे मी भंडारी हायस्कूल ज्युनियर कॉलेज येथे तत्कालीन मुख्याध्यापक प्रा. वाय. आर. राजूरकर, प्रा. ए. व्ही. देसाई, सौ. समिता मुणगेकर मॅडम, परूळेकर सर, सौ. प्रभु मॅडम या मार्गदर्शक शिक्षक व प्राध्यापकांच्या सानिध्यात घालविली. या प्राध्यपकांपैकी एक महत्त्वाचे नाव म्हणजे प्रा. रूपेश बांदेकर सर. बांदेकर सर आम्हाला अकरावी बारावीला अर्थशास्त्र शिकवायचे. सरांमुळेच मला अर्थशास्त्राची आवड मला निर्माण झाली. बहुतांश अर्थशास्त्रज्ञांची नावे सरांच्या तोंडपाठ आहेत. अर्थशास्त्र अनेक सिद्धांत बांदेकर सरांनी सोप्या भाषेत करून सांगतिले. हे मीच नाही तर माझ्या बॅचचे अनेकजण सांगतील. म्हणूनच काय घटत्या उपयोतितेचा सिद्धांत आणि त्यावर सरांनी दिलेले लाडूचे उदाहरण आजही स्मरणात आहे आणि दिर्घकाळ स्मरणात राहिल. सर छोट्या छोट्या गोष्टीतून आम्हाला अर्थशास्त्र शिकवयाचे उदा. आम्हाला बारावीचा ट्रीपला जायचे होते. पण एकदम पैशाची साये होणे कठीण होते. म्हणून बांदेकर सरांनी अकरावीतच आम्हाला दर महिन्याला ठराविक पैसे जमा करण्यास सांगितले होते. सरांचा वाचनाचा व्यासंगही मोठा आहे. सर विविध पुस्तकांचे वाचन सातत्याने करत असतात. आम्ही अकरावी, बारावीत असताना सर अतिशय कडक शिस्तीने वागायचे. भंडारी हायस्कूलमध्ये स्नेहसंमेलन म्हणजे आमच्यासाठी जीव की प्राण असायचे. त्यावेळी सर अभ्यासाकडेहि लक्ष द्या असेही आर्वजून सांगायचे. सरांचा 45 मिनिटांचा लेक्चर दैनंदिन जीवनातील विविध उदाहरणांनी सजलेला असतो. त्यामुळे सरांच्या लेक्चर बसणे मला आणि माझ्या मित्रांना कधीच कंटाळवाणे वाटले नाहि. बारावी झाल्यावरही सर सातत्याने संपर्कात असतात. सर्व भेटले की विद्यार्थ्यांची आपुलकीने व आस्थेने चौकशी करतात. वर्षातून दोनदा सर आवर्जून फोन करतात. एक म्हणजे सैनिकांना राख्या पाठविण्याच्या कार्यक्रमाचे वृत्तसंकलन करण्यासाठी आणि दुसरे म्हणजे वनभोजनाच्या निमित्ताने. पत्रकारीतमुळे वेळच गणित नेहमीच अँडजेस्ट होत नाहि. परंतु माझा दोन्ही कार्यक्रमांना जाण्याचा प्रयत्न असतो. सरांचे संघटन कौशल्य उत्तम आहे. सरांच्या एका हाकेवर भंडारी ज्युनियर कॉलेजची मुले एकत्र येतात हे त्याचेच द्योतक म्हणावे लागेल. सर विविध सामाजिक, सांस्कृतिक, शैक्षणिक क्षेत्रात विविध उपक्रम राबवित असतात. आज सरांचा वाढदिवस आहे. बांदेकर सर यांना वाढदिवसाच्या लाख लाख शुभेच्छा!  

                                                       संग्राम कासले, मालवण