ब्रँव्हो कमलेश.....

 काही दिवसापूर्वी ओरोस येथे पोलीस नाईक पदावर कार्यरत असलेल्या कमलेश सोनावणे या मित्राची फेसबुकवर एक पोस्ट आली. घरपण द्या माझ्या घरा या अल्बममध्ये कमलेशने अभिनय केल्याची ती पोस्ट होती. त्या पोस्टखालीच कमलेशने लवकरच सरप्राईज असे लिहिले होते. त्याच्या दोन दिवसानंतर कमलेशने मला गणरायाची स्वारी या अल्बमची युट्यबची लिंक शेअर केली. त्या व्हिडीओत कमलेश अफलातून नृत्य सादर करताना दिसला. क्षणभर मला प्रश्न पडला की कमलेश नक्की काय करतो? कमलेशचे अभिनंदन करण्यासाठी मी कमलेशला फोन केला. त्यावेळी कमलेशसोबत भरभरून बोललो. फोनवर बोलताना कमलेशच्या व्यक्तीमत्त्वाचे अनेक पैलु उलघडत गेले. कमलेशच्या व्यक्तीमत्त्वाचे पैलु सर्वांसमोर येणे गरजेचे आहे. त्यासाठीच आजचा ब्लॉग लिहिण्याचा प्रपंच. कमलेश व निलेश या दोघेही भावांचे शिक्षण मालवणच्या भंडारी हायस्कूलमध्ये झाले. त्यांचे वडील त्यावेळी मालवण पोलीस ठाण्याला पोलीस कर्मचारी म्हणून कार्यरत होते. बालवाडी ते सातवीपर्यंत कमलेश व निलेश भंडारी हायस्कूला होते. पाचवीत असताना आम्ही जिस देश मै गंगा रहता है या गाण्यावर नृत्य केले होते. त्यामध्ये कमलेश व निलेशने सुंदर नृत्य केले होते. दोघेही शालेय अभ्यासात हुशार होते. परंतु सातवीनंतर दोघेही वेंगुर्ला येथे गेले. त्यामुळे दोघांशी असणारा माझा संपर्क तुटला. त्यानंतर पत्रकारितेच्या निमित्ताने कमलेश व निलेशची सातत्याने भेट व्हायची. सध्या कमलेश व निलेश हे दोघेही पोलीस कर्मचारी म्हणून कार्यरत आहेत.  कमलेशने सातवी ते दहावी पर्यंतचे शिक्षण वेंगुर्ला हायस्कूल येथे पूर्ण केले. त्यानंतर 11 वी ते एसवाय बीएस्सी पर्यंतचे शिक्षण बॅ. खर्डेकर कॉलेज वेंगुर्ला येथे पूर्ण केले. कॉलेजचे लास्ट इयर त्याने सावंतवाडी येथील श्री पंचम खेमराज महाविद्यालय येथे पूर्ण केले. त्यानंतर 2011 च्या पोलीस भरतीत कमलेशची पोलीस दलात निवड झाली. 2011 ते 2013 या 25 महिन्यांच्या कालावधीत कमलेशने पोलीस दलातील प्रशिक्षण पूर्ण केले. त्यानंतर कमलेशने 2015 मध्ये सहा महिनांच्या कालावधीत कमांडो कोर्स व ऑल इंडिया कमांडो चॅम्पियन हे दोन्ही खडतर प्रशिक्षणे पूर्ण केली. 2016 ते 2019 या कालावधीत कमलेशने क्रिडा संकुल ओरोस येथे गरीब व होतकरू विद्यार्थांना मोफत पोलीस भरतीचे प्रशिक्षण दिले. कमलेशच्या मार्गदर्शनाखाली 24 विद्यार्थी पोलीस भरतीत उत्तीर्ण झाले. 2018 पासून कमलेश ओरोस येथे फॉरेन्सिक डिर्पामेंटमध्ये कार्यरत आहे. कमलेशला सर्व प्रकारच्या खेळांची आवड आहे. तो हॉकी, हॉलीबॉल, क्रिकेट, फुटबॉल हे खेळ खेळतो. त्याचप्रमाणे त्याला ट्रॅव्हलिंग, ट्रेकिंग, स्कुबा डायव्हींग, कुकींग, फोटोग्राफी, योगा, पर्सनल ट्रेनिंग, नृत्य, नेचर फोटोग्राफी, बाईक चालविणे, गाणे ऐकणे, गाणे सादर करणे, अभिनय करणे, चित्रपट पाहणे, पेंटींग आदि छंद आहेत. हे सर्व छंद जोपासताना तो मनापासून जोपासतो. आगामी काळात कमलेशला युट्युब चँनल सुरु करायचे आहे. या चँनलच्या माध्यमातून कमलेश तरुणांना पोलीस भरतीचे प्रशिक्षण देणार आहे. त्याच्या पेजबुक पेजवर एक सुंदर वाक्य आहे. आयुष्य हे डॉक्टरच्या गोळ्या घेऊन नाही तर मित्रांच्या टोळ्या घेऊन जगायच असत. मला वाटत कमलेश आपल्या जीवनात मित्रांच्या टोळ्या घेऊन जगतो. म्हणूनच तो मला कधीही तणावात जाणवला नाही. कमलेश जेव्हा भेटतो तेव्हा तो फ्रेश असतो. प्रत्येकाच्या चेऱ्यायावर आनंद आणण्याचा त्याचा प्रयत्न असतो. म्हणूनच कमलेशला ब्रँव्हो म्हणावेसेचे वाटते. मला वाटत तुम्हाला प्रत्येकाला कमलेशला भेटायला हवे तरच तुम्हाला त्यातला ब्रँव्होपणा जाणवेल. कमलेशच्या नवीन अल्बची मी युट्यूब लिंक शेअर करीत आहे. त्यामध्ये तुम्हाला कमलेशचा नृत्य व अभिनय पाहता येईल. त्याचा नृत्यअविष्कार अवश्य पहा व शेअर करा. https://youtu.be/dKrzubOjA0E

                 संग्राम कासले, मालवण