सन 2021-22 करिता भारत सरकार शिष्यवृत्तीसाठी महाडीबीटी पोर्टलवर नवीन अर्ज नोंदणी व जुन्या अर्जाच्या नुतनीकरणासाठी 28 फेब्रुवारीपर्यंत मुदतवाढ दिली आहे. हि प्रक्रिया शासनाच्या आपले सरकार पोर्टलवलरील https://mahadbtmahait.gov.in या संकेतस्थळावर सुरु असल्याचे दिपक घाटे, सहाय्यक समाज कल्याण आयुक्त यांनी पत्रकाद्वारे कळवले आहे. जिल्ह्यातील सर्व कनिष्ठ, वरिष्ठ महाविद्यालयातील प्राचार्य, विद्यार्थी व पालक यांनी जे विद्यार्थी शिष्यवृत्ती योजनेपासून वंचित असतील अशा मागासवर्गीय विद्यार्थ्यांनी शिष्यवृत्ती योजनेचे नवीन अर्ज व जुन्या अर्जाचे नुतनीकरण 28 फेब्रुवारीपर्यंत करावेत. विद्यार्थ्यांचे अर्ज विहीत मुदतीत भरुन घेण्याची जबाबदारी संबंधित महाविद्यालयाची आहे. या योजनेपासून मागासवर्गीय विद्यार्थी वंचित राहिल्यास त्यास संबंधित महाविद्यालयातील प्राचार्य जबाबदार राहतील. असे पत्रकात नमूद केले आहे. अधिक माहितीसाठी सहाय्यक आयुक्त, समाजकल्याण, सिंधुदुर्ग या कार्यालयाशी दूरध्वनी क्र. 02362-228882 येथे संपर्क साधवा.
टिप्पण्या
टिप्पणी पोस्ट करा