दिवंगत सविता संजय जाधव स्मृती प्रित्यर्थ आयोजित जिल्हास्तरीय निबंध स्पर्धेतील विजेत्यांचा पारितोषिक वितरण समारंभ

कणकवली येथील सामाजिक कार्यकर्त्या दिवंगत सविता संजय जाधव स्मृती प्रित्यर्थ आयोजित जिल्हास्तरीय निबंध स्पर्धेत कुणकेरी सावंतवाडी येथील सौ. नीता नितीन सावंत यांनी प्रथम क्रमांक प्राप्त केला आहे. द्वितीय क्रमांक शितल किरण कदम (कुडाळ), अक्षय काशीराम सुतार (वैभववाडी), तृतीय क्रमांक माधवी लीलाधर तीरोडकर (मालवण), सुनील शंकर जाधव (देवगड) यांनी प्राप्त केला आहे. स्पर्धेचे परीक्षण डीएड कॉलेजचे प्राध्यापक नागेश कदम यांनी केले आहे. स्पर्धेतील विजेत्यांना रोख रक्कम प्रमाणपत्र व भेटवस्तू देऊन गौरविण्यात आले. सहभागी स्पर्धकांना सहभाग प्रमाणपत्र देण्यात आलेे. स्पर्धेचा पारितोषिक वितरण समारंभ 24 जुलै रोजी सायंकाळी चार वाजता ग्रामपंचायत हळवल, तालुका कणकवली येथे संपन्न झाला. विजेते स्पर्धक व सहभागी स्पर्धकांना रोख रक्कम प्रमाणपत्र देऊन गौरविण्यात आलेे. यावेळी प्रबोधनकार मारुती जोशी, जनी कुमार कांबळे, संजय जाधव, प्रमोद कासले,सुदीप कांबळे, संजय तांबे, अजय कदम, निलेश माळगावकर, उत्तम जाधव, संग्राम कासले तसेच अन्य मान्यवर उपस्थित होते.