1960 च्या बौद्ध धम्म दीक्षा सोहळ्याचा साक्ष देणारा वडाचापाट गाव

रविवारी आम्ही आमचे मुळगाव वडाचापाट या गावाला भेट दिली. मालवण पासून 17 किलोमीटर अंतरावर वडाचापाट गाव आहे. साधारणत पाऊण तासाचा प्रवास आहे. 1960 साली वडाचापाट बौद्धवाडी येथे बौद्ध धम्मदीक्षेचा कार्यक्रम संपन्न झाला होता. या धम्मदीक्षा सोहळ्यात जिल्ह्यातील धम्म बांधव सहभागी झाले होते. डॉक्टर बाबासाहेब आंबेडकर यांच्या विचाराने प्रेरित होऊन जिल्ह्यातील धम्म बांधवांनी बौद्ध धम्माची दीक्षा घेतली होती. आंबेडकरवादी चळवळ येथील जेष्ठ कार्यकर्ते मधुसूदन डांगमोडेकर यांनी याबाबतची माहिती आम्हाला उपलब्ध करून दिली होती. त्याचे वृत्तांकन दैनिक तरुण भारत मधून प्रसिद्ध झाले होते. त्यामुळे वडाचापाट गाव ऐतिहासिक गाव म्हणून ओळखले जाते.https://youtu.be/Z5FjHM-Dml0