प्राध्यापक नागेश कदम यांना वाढदिवसाच्या लाख लाख शुभेच्छा!

आमचे मित्र आणि प्राध्यापक नागेश कदम यांचा वाढदिवस आहे. वाढदिवसानिमित्त त्यांना लाख लाख शुभेच्छा. प्राध्यापक नागेश कदम आणि माझी ओळख अकरावीत असताना निबंध लेखन स्पर्धेच्या निमित्ताने झाली होती.अकरावीत असताना मला निबंध लेखन करायचे होते. त्यावेळी कन्याशाळा येथे मी सरांचे मार्गदर्शन घेण्यासाठी गेलो होतो. त्यावेळी प्राध्यापक नागेश कदम यांनी मला विस्तृतपणे निबंध लेखनाविषयी मार्गदर्शन केले. सिंधुदुर्ग जिल्ह्यात गेली अनेक वर्ष विविध निबंध स्पर्धांमध्ये प्राध्यापक नागेश कदम यांनी क्रमांक प्राप्त केले आहेत. यामध्ये राज्यस्तरीय निबंध स्पर्धांचा देखील समावेश आहे. निबंध लेखन करत असताना तो कशा पद्धतीने करावे याचे सखोल ज्ञान प्राध्यापक नागेश कदम यांच्याकडे आहे. त्या पद्धतीने त्यांचे निबंध लेखन विस्तृत असते. एक उपक्रमशील शिक्षक म्हणूनही ते ओळखले जातात. अतिशय प्रतिकूल परिस्थितीत त्यांनी आपले शिक्षण पूर्ण केले त्यामुळे गरीब व गरजू विद्यार्थ्यांना ते सातत्याने मदत करत असतात. सातत्याने अभ्यास करावा लेखन करावे असे ते विद्यार्थ्यांना आवर्जून सांगत असतात. माझी पत्नी पौर्णिमा आणि माझी ओळख प्राध्यापक नागेश कदम यांच्यामुळेच होऊ शकली. प्राध्यापक नागेश कदम यांच्यामुळेच मी आणि पौर्णिमाने नवीन सहजीवनाची सुरुवात केली. इतर विद्यार्थ्यांप्रमाणे नागेश कदम आम्हाला दोघांनाही सातत्याने मार्गदर्शन करत असतात. आजच्या वाढदिवसानिमित्त त्यांना लाख लाख शुभेच्छा.