भूविकास बँकेच्या कर्जदारासह कर्मचाऱ्यांनाही दिलासा

 

राज्यातील भूविकास बँकांच्या थकबाकीदार शेतकऱ्यांना 964 कोटी 15 लाख रुपयांची कर्जमाफी देण्याचा निर्णय गुरुवारी मंत्रीमंडळाच्या बैठकीत घेण्यात आला. यामुळे तब्बल 69 हजार हेक्टरवरील जमीनीचा सात-बारा कोरा होणार आहे. याशिवाय कर्मचाऱ्यांची प्रलंबित देणे सरकार देणार असल्याने कर्मचाऱ्यांना दिलासा मिळाला आहे. मंत्रिमंडळाने घेतलेल्या निर्णयाबद्दल मुख्यमंत्री एकनाथ शिंदे व उपमुख्यमंत्री देवेंद्र फडणवीस यांचे माजी केंद्रीय मंत्री आनंद अडसूळ, कॅ. अभिजीत अडसूळ, भूविकास बँक कर्मचारी संघटनेचे कार्याध्यक्ष एम. पी. पाटील यांनी आभार मानले.