गुरुवर्य रानडे सर यांनी भेट

आजच्या लेखाची सुरुवात मी गुरुवर्य या नावाने करत आहे. गुरुवर्य या नावाने करणामागे विशिष्ट हेतू आहे. भंडारी हायस्कूलमध्ये असताना बी. डी. बनसोडे सर रानडे सरांना गुरुवर्य संबोधत. आज मी व पौर्णिमा हिने गुरुवर्य रानडे सर यांची भेट घेतली. रानडे सर मराठी, संस्कृत, इंग्रजी विषय शिकवायचे. माझे मराठी सुधारण्यात रानडे सरांचे महत्त्वाचे योगदान राहिले आहे. सरांची भेट घेतल्यानंतर जुन्या आठवणींना उजाळा मिळाला. भंडारी हायस्कूलमधील शिक्षक, विद्यार्थी यांच्याबाबत सर दिलखुलास बोलले. बनसोडे सर, फर्नांडिस मॅडम यांच्याविषयी बोलताना सर काहीसे भावूक झाले. सरांनी त्यांचे दिवसाचे शेड्युल कशाप्रकारे असते.याबाबत माहिती दिली. सर पूर्वी होते तसेच आजही आहेत. सरांमध्ये कोणताही बदल झालेला नाही हे सरांचं वेगळेपण मला जाणवले. सर अजूनही कीर्तन करतात. सरांनी संत गाडगेबाबांचे कीर्तनाबाबत माहिती दिली. यावेळी खारेपाटण येथील कीर्तनाच्या प्रसंगाबाबत सरांशी चर्चा केली. अशा प्रकारची चर्चा होणे मला अतिशय महत्त्वाचे वाटते. बऱ्याच दिवसानंतर अशा प्रकारची चर्चा झाली.