सुधीर आचरेकर यांचे निधन

ग्लोबल मालवणीचे सदस्य आणि स.का. पाटील सिंधुदुर्ग महाविद्यालयाचे माजी विद्यापीठ प्रतिनिधी सुधीर जनार्दन आचरेकर यांचे सोमवारी मुंबई येथे निधन झाले. सुधीर आचरेकर यांचे अचानक जाणे हे सर्वांसाठी धक्कादायक होते. ग्लोबल मालवणी आणि स. का. पाटील सिंधुदुर्ग महाविद्यालयाच्या सांस्कृतिक कार्यक्रम आयोजनात सुधीर आचरेकर हे नेहमीच आघाडीवर असायचे. आम्ही स. का.  पाटील सिंधुदुर्ग महाविद्यालयात असताना एनसीसी त्याचबरोबर सांस्कृतिक कार्यक्रमाच्या आयोजनात ते आवर्जून उपस्थित असायचे. माजी विद्यार्थ्यांना मदत करण्याची वृत्ती त्यांच्यामध्ये नेहमीच दिसून यायची. सुधीर आचरेकर यांच्या जाण्याने त्यांच्या मित्र परिवाराला मोठा धक्का बसला आहे.  सुधीर यांच्याबरोबर माझी फारशी ओळख नव्हती. परंतू सूविधा व विवेक यांना मुलगा झाला. तेव्हा सुधीर हे कुडाळ येथे आले होते. तेव्हाही ते मित्राला मदत करताना दिसत होतेे. नेहमी इतरांना मदत करण्याच्या वृत्तीमुळे ते कायम स्मरणात राहतील.