*भारतीय बौद्ध महासभा तालुका शाखा मालवणच्यावतीने संविधान दिंन साजरा*

 मालवण - भारतीय बौद्ध महासभा तालुका शाखा मालवणच्या वतीने डॉ. बाबासाहेब आंबेडकर सांस्कृतिक भवन कट्टा येथे 75 वा  संविधान दिन साजरा करण्यात आला. यावेळी तालुकाध्यक्ष रविकांत कदम, तालुका संस्कार उपाध्यक्ष नचिकेत पवार, संस्कार सचिव मिलिंद पवार, योगेश वराडकर, प्रचार व पर्यटन सचिव संग्राम कासले, सचिन कासले, संरक्षण सचिव रमेश कदम, पौर्णिमा कासले इत्यादी उपस्थित होते. कार्यक्रमाची सुरुवात तथागत भगवान गौतम बुद्धांच्या व डॉ. बाबासाहेब आंबेडकर  यांच्या प्रतिमेला पुष्पहार अर्पण करून व दीप प्रज्वलन करून व वंदना सूत्रपठण घेऊन करण्यात आली. तदनंतर  संविधानाच्या प्रास्ताविकाचे वाचन करण्यात आले. संग्राम कासले यांनी संविधानाविषयीची माहिती दिली तसेच तालुकाध्यक्ष रविकांत कदम यांनी मनोगत व्यक्त केले. सदर कार्यक्रमात प्रास्ताविकेचे वाचन नचिकेत पवार यांनी केले तर कार्यक्रमाचे प्रास्ताविक व आभार प्रदर्शन योगेश वराडकर यांनी केले.