मालवणी बझार मालवण व श्री गणेश नागरी पतसंस्था मालवण यांच्यावतीने एम.पी .पाटील यांचा सत्कार.

  मालवण वार्ताहर - श्री गणेश नगरी सहकारी पतसंस्था मालवण व मालवणी बाजार मालवणचे संस्थापक श्री एम. पी. पाटील यांची कोल्हापूर जिल्हा सहकारी नागरी बँक असोसिएशनच्या संचालकपदी बिनविरोध निवड झाल्याबद्दल दोन्ही संस्थांच्या वतीने सत्कार करण्यात आला. सत्काराला उत्तर देताना एम. पी. पाटील म्हणाले की माझी झालेली निवड ही सिंधुदुर्ग जिल्ह्याच्या सहकार क्षेत्रामध्ये केलेल्या कामाची पोच पावती आहे. यापुढे सुदधा सहकारात काम करत असताना सिंधुदुर्ग जिल्ह्याचे ऋण कधीही विसरणार नाही. यापुढे मालवणी बाजार व व गणेश नागरी पतसंस्थेच्या प्रगतीसाठी कायम कटिबद्ध राहील. या कार्यक्रमास मालवणी बाजारचेे अध्यक्ष प्रमोद मोहिते, गणेश नागरी पतसंस्थेचे अध्यक्ष सुप्रिया गावकर, उपाध्यक्ष व्ही. बी. पटकारे, संचालक संभाजी कोरे, सौ. जयश्री हडकर, कैलास साळुंखे, पी.जी. पाटील, मालवणी बाजारचे उपाध्यक्ष मारुती सोनवडेकर, संचालक श्रीकृष्ण तळवडेकर, रुपेश खोबरेकर तसेच श्री गणेश नागरी पतसंस्था मुख्य कार्यकारी अधिकारी सौ. सुचिता धूरी यांनी निवडीबद्दल अभिनंदन केले व शुभेच्छा दिल्या.